阿忠
管理版主
 
    
積分 84165
發文 14126
註冊 2005-8-31
來自 竹棧
狀態 離線
|
#1 英國學校的故事
八十年代中，我係英國一間寄宿校學度讀緊書。有個禮拜五，學校一放咗學之後，有班同學就出發去足遠。行咗兩個鐘倒，有兩個唔小心走散咗，一個叫Andrew、一個叫Eric。起初，Andrew同Eric都冇覺得點，因為都唔係第一次足遠，而且佢哋相信應該好快揾返大隊。可能佢哋初初輕視，所以到個天都黑晒，佢哋都仲未揾返大隊，仲攪到蕩失埋，最慘就係開始落雨添。後尾，佢哋見倒有間屋，諗住入去問路同避吓雨。
點知，開門比佢哋個人竟然拎住贊油燈，間屋裏便用嘅，全部都好似係油燈添，佢哋諗個人真係怪。當佢哋入到間屋嘅時候，嗰個人先招呼佢哋食啲嘢。食完之後，佢哋一路喺個廳度坐，想等到啲雨停為止。其間，先有個男人行過，仲同佢哋打咗聲招呼。冇幾耐，又有個十五、六歲倒嘅女仔，頭髮長長、着住件白袍，喺佢哋面前又跳舞又儍笑，不過後尾，就比同佢哋打招呼嗰個男人捉返入房。最後佢哋又聽倒啲講嘢聲，佢哋覺得間屋應該仲有一個女人住添。
雖然啲雨一路無停過，但係佢哋唔想攪住人太耐，所以都打算走先。之不過，開門比佢哋嗰個人就留佢哋過一晚夜，佢哋諗都總好過落雨絲溼咁紮營嘅，所以答應咗留低。嗰個人招呼佢哋入咗間房之後，佢哋成晚都瞓唔着，事關班人怪怪哋，尤其係講嘢嗰時，啲聲好低沉，之不過，後來都倦到不知不覺咁瞓着咗。
瞓到咁上吓，嗰個人叫醒咗佢哋，又話：[冇時間嗱，你哋要走呀嗱。]，佢哋睇吓隻錶，只係五點多啲，心諗條鬼佬都黐媽根嘅，咁早叫醒人.....，不過人哋地方，走就走啦！好快佢哋就出到大門口，而嗰個人巳經幫佢哋準備咗部馬車，仲話如果佢哋唔上車嘅話，保正佢哋走唔出嗰度，冇辨之下，佢哋唯有上車，行到咁上吓，個天開始光，佢哋亦開始睇到嘢。當佢哋發覺自己部馬車衝緊埋個塬崖度嗰時，佢哋嚇到背囊都唔拎，就跳落車。雖然跳倒車，但係因為個身仲有啲衝力，所以佢哋繼續衝埋個崖邊。Andrew第一時間捉得住咗啲嘢，所以冇事，但係Eric就同埋部馬車跌咗落山。Andrew好驚，佢都唔知發生緊乜嘢事，之後就暈咗。
Andrew醒返嗰陣時巳經係中午，佢第一見倒嘅就係自己個背囊，仲發覺自己身處嘅地點，就係佢同Eric蕩失路嗰度，但係間屋就唔見咗。起初，Andrew即刻鬆咗口氣，諗住原來發惡夢啫，但係Eric同佢個背囊亦都唔見咗，Andrew諗吓諗吓，又好似唔係發夢喎。佢一時之間都唔知點算好，唯有繼續行。
後尾，總算比佢揾返條路出返啲Town仔度，佢即刻打電話返學校話唔見咗Eric，睇吓學校有冇Eric消息，可惜學校話冇。學校因為怕得返Andrew一個人會有危險，所以又第一時間派部車去接佢。當Andrew返到學校嗰時，啲教職員即刻問佢發生咗乜事，又問點解會走失晒呀？Andrew就原原本本咁講一次，啲教職員當然唔信啦！話Andrew一定係發惡夢啫，仲安慰Andrew，話Eric可能自己走咗先.....。不過就唔多合邏輯，因為Eric冇理由咁衰仔乃低個friend唔理，仲有，一條友行又容易有事.....，橫睇豎睇都有理由。
到咗星期日下午，全世界都到齊集合地點，但就唔見Eric。校學唯有報警，啲差人揾到星期一晚都冇發現。到咗星期二，唯有揾埋Andrew去，睇吓Andrew仲記得啲乜。起初，Andrew帶班差人去到佢最後一次見倒Eric嗰度，又指住一度地方，話應該有間屋係嗰度，但唔知點解又冇咗。啲差人就話、其實佢哋巳經揾過晒附近啲地方，但係都揾唔倒Eric，亦冇發現Andrew口中間屋。
雖然啲差人覺得Andrew講啲嘢唔合邏輯，但係又覺得Andrew唔似亂講嘢。差人唯有再問Andrew，部馬車係邊度衝落崖。因為Andrew上車嗰時個天仲係好黑，所以佢好難認返晒啲路，不過最後總算比佢哋揾到。喺嗰度，啲差人竟然發現倒類似車駛過嘅痕跡，啲差人即刻睇吓個崖底，發現倒個背囊。之後佢哋即刻揸車落去睇，係個背囊附近發現倒Eric條屍，不過就揾唔倒部馬車同嗰個人。最後，因為Andrew口中間屋同部馬車.....等等都揾唔倒，啲警察只有當Eric失足跌死。
而喺Andrew講完呢個經歷比我哋知之後，佢精神就開始出現問題，好似上堂玩口水呀、唔多講嘢.....，總之就痴痴呆呆咁。個學期未完，Andrew啲屋企人就接咗佢返香港，之後我亦都轉咗校，不過就唔係因為呢件事，只係唔鐘意間學校啫。到咗呢件事兩年之後倒，有日喺飛機返香港嘅途中，我撞倒個舊同學，先知Andrew証實患咗精神病，而兩年嚟都仲未醫返好。
|
 |
|
